Қазақстан Республикасы Тәуелсіздігінің 25 жылдығында салалар бойынша жеткен жетістіктер көрсеткіштерін насихаттау үшін Оңтүстік Қазақстан облысы Төлеби ауданының ақпараттық-насихаттық топ мүшелері Көксәйек, Зертас, Жоғарғы Ақсу ауылдық округтерінде семинар өткізді. Семинарда Тәуелсіздіктің 25 жылдығында республика, облыс, аудан бойынша жеткен жетістіктер тақырыбында лекция оқылып, қысқа метражды фильм көрсетілді. Сондай-ақ, Төлеби аудандық Ішкі саясат бөлімі шығарған әдістемелік кітап таратылды. Семинар барысында әр округтен бекітілген спикерлер өз округтерінің қол жеткізген жетістіктерін баяндады. Мұндай басқосулар облыстың барлық аудандарында өткізілуде. Аталған жиынға аудан халқы ықыласпен қатысып, өзіндік ой пікірлерін айтып, ұсыныстарын жеткізуде. Аталмыш басқосу алдағы уақытта да жалғасын таппақ.
