Экономика

Агроқұрылымдар қажеттілігіне пайдалануға әрі тұрақты мониторинг жүргізуге мүмкіндік беруде

Редактор 23.04.2023 12609 1 оқу мин

Қазақстан Республикасы Премьер-Министрі Ә.Смайловтың 23.03.2023 жылғы тапсырмасы негізінде көктемгі егіс жұмыстарына мемлекет тарапынан бөлінген дизель отыны 28 наурызынан бастап дизель отыны үшін бояғыш заттар қосылып жөнелтілуде. Бұл өз кезегінде дизель отыны нарыққа сатылмай агроқұрылымдар қажеттілігіне пайдалануға әрі тұрақты мониторинг жүргізуге мүмкіндік беруде. ҚР МӨЗ-дегі дизель отыны Кеден одағының КО ТР 013/2011 «Автомобиль және авиациялық бензинге, дизель және кеме отынына, реактивті қозғалтқыштарға арналған отынға және мазутқа қойылатын талаптар туралы» техникалық регламентіне және ГОСТ 32511-2013 «Дизель отыны Еуро. Техникалық шарттар» және К-4, К-5 экологиялық класына толық сәйкес келеді. Ауыл шаруашылығы тауарын өндірушілердің атына жөнелтілетін дизель отыны тиісті түстерге (АМӨЗ – сары, ПКОП – көк, ПМХЗ – қызыл) боялады және жоғарыда көрсетілген құжаттардағы сапа көрсеткіштеріне сәйкестігіне паспортталады. Бояудан кейінгі дизель отынының сапасы өнімнің әрбір партиясына қоса берілетін сапа паспортымен расталады. Бояғыштың дизель отынының сапалық сипаттамаларына әсер етпеуі зауыттық аккредиттелген зертханалардың, оның ішінде ПМХЗ-да зертханалық қызметтер көрсететін «ИП SGS Қазақстан ЛТД» ЖШС тәуелсіз халықаралық компаниясының жүргізілген сынақтарының нәтижелерімен расталады. Бүгінде Түркістан облысының барлық аудандарындағы шаруа қожалықтарына жанар жағар май толық жеткізілді. Шаруалар егістікке қажетті мұнай өнімдерімен толық қамтылған.

Добавить комментарий Отменить ответ