фото Сақ.кз
Түркістан облысы денсаулық сақтау басқармасына қарасты «Облыстық балалар ауруханасы» мемлекеттік коммуналдық кәсіпорны облыстық деңгейдегі балалар ауруханасының ішінде көппрофильді республика бойынша ірі аурухана болып табылады. Аурухана заманауи медициналық құрал-жабдықтармен жабдықталған және балаларға сапалы медициналық көмек көрсетуге дайын тәжірибелі қызметкерлер бар. Ауруханада жоғары білікті медициналық қызметкерлер, соның ішінде маман дәрігерлер мен медбикелер жұмыс істейді.
Аурухана қызметінің негізгі бағыттарына педиатрия, балалар хирургиясы, кардиохирургия, тестілер, радиология, ультрадыбыстық диагностика, эндокринология, неврология, реабилитация және тағы басқалары жатады. Ауруханада балалардың денсаулығын сақтауға және нығайтуға бағытталған профилактикалық іс-шаралар жүргізіледі. Аурухананың бүкіл ұжымы балаларға жоғары сапалы медициналық көмек көрсетуге және олардың сауығуы үшін қолдан келгеннің бәрін жасауға бейіл. Түркістан облыстық денсаулық сақтау басқармасының «Облыстық балалар ауруханасы» медицина саласындағы жетістіктерімен мақтана алады, өңірдегі балалардың денсаулығы үшін күресуде.
Дәл қазіргі уақытта облыстық балалар ауруханасы Түркістан облысының көп бейінді клиникаларының бірі болып табылады. Қызмет көрсетілетін халық саны 895 000-нан астам баланы құрайды. Облыстық көпбейінді балалар ауруханасы III деңгейдегі аурухана ретінде аудандардан жіберілген пациенттерге шұғыл және жоспарлы түрде медициналық қызметтерін ұсынады. Педиатрия және балалар хирургиясы бойынша мамандандырылған стационарлық және стационарды алмастыратын көмектің барлық бейіндерін қамтиды және кардиохирургия бағыты бойынша жоғары мамандандырылған қызметтер көрсетіледі.
Облыстық балалар ауруханасының негізгі мақсаты — балаларды заманауи стандарттарға сай сапалы және жоғары технологиялық медициналық көмекпен қамтамасыз ету, материалдық жағдайына және тұрғылықты жеріне қарамастан облыстағы барлық балалардың медициналық көмекке қолжетімділігін арттыру, балалық шақ ауруларын емдеу мен диагностикалаудың инновациялық әдістерін әзірлеу және енгізу, медициналық көмекті жоғары деңгейде көрсету үшін медициналық кадрларды үздіксіз оқыту және олардың біліктілігін арттыру, алмасу және емдеудің озық әдістерін енгізу мақсатында басқа да медициналық мекемелермен және ғылыми орталықтармен ынтымақтастық орнату болып табылады. Аурухана төсек қоры 422 төсек орынды құрайды (оның ішінде 224 хирургиялық және 162 педиатриялық сала және 36 медициналық реабилитация мен қалпына келтіру төсек орындар). 31 педиатриялық бейінді төсектері және жалпы 33 төсек орынға арналған 3 жансақтау бөлімшелері бар, оның ішінде 9 кардиореанимациялық төсек және 6 төсек неоанатальды жансақтау бөлімі бейінделген.
Облыстық балалар ауруханасында балалар кардиохирургиясы, ангиохирургиясы, неонатальды хирургия, нейрохирургия, жарақат және ортопедия, офтальмология оның ішінде Балалар хирургиясы ішінде, торакальды хирургия, урология, оториноларингология, бет-жақ хирургиясы, кардиология және ревматология, энокринология мен аллергология, пульмонология қарқынды түрде дамып келеді. Осы салалардағы медицина мамандары пациенттерінің ең жақсы өмір сүру сапасын қамтамасыз ету үшін диагностикалық және емдеу әдістерін үздіксіз жетілдіру бойынша жұмыс істейді. Медицинаның басқа салаларындағы әріптестермен ынтымақтастық тәжірибе алмасуға және озық технологияларды қолдану арқылы үздік нәтижелерге қол жеткізуге мүмкіндік береді. Осылайша, медицинадағы басым бағыттар үнемі дамып, жетілдіріліп отырады, бұл мамандарға әртүрлі ауруларды сәтті емдеуге және пациенттердің толық өмірге оралуына көмектесуге мүмкіндік береді.
Сонымен бірге, 50 төсек стационаралмастырушы төсек орын бар. Күндігіне 240 келіп-кетушілерге арналған консультативтік-диагностикалық емхана қызмет көрсетеді. Жыл сайын ауруханада 18 мыңнан астам пациент емделеді. Емхана құрамында барлық бейіндер бойынша мамандардың консультациясын алуға болады және сурдологиялық орталығында балаларға аудиограмма арқылы есту қабылетін тексертуге мүмкіндік бар. Клиника сонымен қатар әртүрлі ауруларды оңалту және емдеу қызметтерін көрсетеді, хирургиялық араласулар мен процедураларды орындайды, сонымен қатар созылмалы аурулары бар науқастарды ұзақ мерзімді бақылауды жүзеге асырады. Емхана мамандары емделушілерге сапалы әрі тиімді емдеуді қамтамасыз ету үшін үнемі өз біліктіліктерін арттырып, медицинадағы соңғы тенденцияларды қадағалап отырады. Аурухана ғылыми зерттеулерге де белсене араласады, емдеу-диагностиканың жаңа әдістерін енгізеді, тәжірибе мен білім алмасу үшін басқа да медициналық мекемелермен және жоғары оқу орындарымен ынтымақтастық орнатқан.
Емхана былтырғы жылы 87829 пациент қабылдағана, оның ішінде ауыл тұрғындарының саны — 55 322 яғни, 63,0 пайызды құрайды. Диагностикалық бөлімшелер жұмыс істейді: сәулелік диагностика бөлімшесі, клиникалық-диагностикалық зертхана, онда диагностикалық қызметтердің барлық түрлері қолданылады: эндоскопия, функционалдық диагностика және ДСБ зерттеу, ЭКГ, МРТ бар сәулелік диагностика, КТ, ангиография. Талаптарға сай ең теңдессіз диагностикалық визуализациялық комплексі магнитно-резонансты томография, сандық рентгенография, эндовидеохирургия, ультрадыбысты зерттеу және мониторлық жылу жүйесімен жарықтау нәрестелерге арналған инкубаторлармен қамтылған. Мұның барлығы да өз кезегінде пациенттерге сапалы қызмет көрсетуге мүмкіндік береді.
