Әлеумет

Несиесі мен қарызынан құтылу үшін қылмысқа барды

Редактор 18.06.2022 8633 1 оқу мин

Өзгенің сеніп тапсырған малын сатып жіберген бақташы мал иесі 16 миллион теңге шығын келтірді. Қойлардың барлығы да асылтұқымды болған. 200-ден асатын қойдың әрқайсысын 70 мың теңгеден сатып отырған. Түркістан облысына қарасты Ордабасы аудандық полиция бөліміне жәбірленуші мал иесі арызданды. Оның айтуынша, оның мал бағатын бақташыларының бірі сеніп тапсырылған асылтұқымды қойларын талан-таражға салған. Қожайын оын арада біршама уақыт өткенде барып бір ақ білген. Жәбірленушіге келген шығын көлемі 16 000 000 теңгеден асады. Аталған жайтты полиция қызметкерлері Қазақстан Республикасының қылмыстық кодексінің 189-бабы «Сеніп тапсырылған бөтен мүлікті иемденіп алу немесе талан-таражға салу» бойынша тіркеуге алды. Анықталғандай күдікті жәбірленушінің бақташысы, Арыс қаласының тұрғыны болып шықты. Күдікті былтырғы жылдан бастап бағып жүрген малдарын, яғни бөтеннің мүлкін шетінен сата берген. Айтар уәжі де бар екен. Өзгенің мүлкін талан таражға салғандағы мақсаты өзінің несиелері мен қарыздарын өтеу болыпты. Осылайша қылмысқа барғанын мойындап отыр. Қазіргі таңда күдікті қамауға алынды, оған қатысты тергеу амалдары жүргізілуде. Бейтаныс адамға мүлкін сеніп тапсыра салудың дұрыс еместігін кейбіреулер бағамдамайтын сықылды. Ақырында барынан айырылып сан соғып қалып жатады. Құқық қорғаушылар күдіктіні ұстап, жазасыз қалдырмайды. Дегенмен тұрғындар әрдайым қырағы болуы қажет-ақ.

Добавить комментарий Отменить ответ