Әлеумет

«Пәтер алып бергіш» әйел ұсталды

Редактор 19.07.2022 11048 1 оқу мин

Бүгінде алаяқтықтың түр түрі гүлденіп тұр. Аңқау елге арамза молданың кейпіне еніп, сан соқтырып кететіндердің қарасы қалың. Құқық қорғаушылар алаяқтардан сақтану жолдары туралы қаншама рет арнайы шаралар өткізіп, парақшалалар таратып, тіпті арнайы түсірілім жасап жатқанымен алаяқтардың қақпанына өздері барып түсетіндер көбейіп тұр. Жуырда Түркістан облысына қарасты Сарыағаш аудандық полиция бөліміне екі бірдей тұрғын арызданды. Алдымен арызданған жәбірленуші ер адамның айтуынша, танысы «жаңадан салынып жатқан көпқабатты үйлерден екі бөлмелі пәтер алып беремін» — деп, 300 000 теңге ақшасын алып қайтармай қойған. Екінші әйел өз арызында алаяқ «Шымкент қаласынан үй алып беремін» — деп, 450 000 теңге ақша алғанын көрсетті. Аталған жайтты полиция қызметкерлері ҚР ҚК-нің 190-бабы «Алаяқтық» бойынша тіркеуге алды. Әрине алаяқтықпен арам ақша тауып жүргендердің алысқа ұзамасы анық. «Пәтер алып бергіш» әйел көп ұзамай ақ қолға түсті. Оңай олжаны қолға түсірген соң ол бас пайдасына жаратып жіберген. Ал берген уәдесін мүлде ұмытқан. Қазіргі таңда оған қатысты сотқа дейінгі тергеу амалдары жүргізілуде.

Добавить комментарий Отменить ответ