Түркістан облысына қарасты Мақтаарал аграрлық колледжінде жастарды отансүйгіштікке тәрбиелеу, отан алдындағы жауапкершілік сезімін қалыптастыру, ҚР Қарулы күштер қатарына дайындау, бұқаралық дене шынықтыру және спорттық қозғалысты дамыту мақсатында АӘД пәнінің жетекшісі Ф.Арзыкуловтың ұйымдастыруымен «Ұранды елдің – ұрпағы қайсар» атты әскери-патриоттық сайыс өткізілді. Сайысқа №9 ЖОМ АӘД пәнінің жетекшісі Сыдыков Бауыржан, Мақтаарал ЖОМ АӘД жетекшісі Шойыншиев Нұркен, Қ.Сатпаев ЖОМ АӘД жетекшісі Тағаев Қалдарбек қатысып, төрелік жасады. Екі бөлімнен құралған «Жалын» және «Арлан» командалары «Сарбаз әндері» әскери әуенмен сапта жүру, автоматты толық емес бұзып жинау, пневматикалық винтовкадан оқ ату, спорттық сайыс: кермеге тартылу және гір тасын көтеру, «Қызыл жалау» қозғалмалы топтық ойын бойынша белдесіп, шеберліктерін ортаға салды. Төрешілер жастардың ептілігін бағалап, жеңімпазды анықтады.
