Әлеумет

Дүкеннен шұжық пен тіс пастаcын ұрлап кеткен

Редактор 14.03.2023 6320 1 оқу мин

Еңбекші ауданы Полиция басқармасына жергілікті тұрғын арызданған. Ол арызында, өзінің меншігіндегі ірі сауда орталығына белгісіз тұлға ұрлыққа түскенін жазған. Онда, сауда сөрелеріндегі «Nivea Men» ерлерге арналған бальзамын (4436 тг), «Porodontax» тіс пастаcын (1909 тг), сондай-ақ 2 дана «Краковская» шұжығын (4848 тг) жасырын түрде байқатпай ұрлап кеткендігін көрсеткен. Жәбірленушіге келтірілген жалпы шығын көлемі 9781 (тоғыз мың жеті жүз сексен бір) теңгені құрап отыр. Аталған жайт ҚР ҚК-тің 187-бабы 1-бөлігімен (Ұсақ-түйек жымқыру) сотқа дейінгі тергеп-тексерулердің бірыңғай тізіліміне тіркелді. Жергілікті полиция қызметі бөлімінің №39 учаскелік полиция пунктінің инспекторлары мен Патрульдік полиция полкінің №799 экипаж қызметкерлері қылмысты ашу мақсатында оқиға орнына жедел жетіп, қажетті іс-шараларды жүзеге асырды. Күдікті азаматтың тұрғылықты мекенжайын анықтап, тәулік ішінде қолға түсірді. Ол Шымкент қаласының тұрғыны болып шықты, жасы – 49-да. Білімі орта, уақытша жұмыссыз. Бұрын соңды сотты болмаған. Бұған дейіни автотұрақта күзетші болып жұмыс жасаған. Тергеу барысында белгілі болғандай, ұсталған азамат ұрланған заттарды жеке бас пайдасына қолданып тастаған. Қазіргі кезде жәбірленушіге келтірілген материалдық шығын толығымен өндірілді. Тергеп-тексеру әрекеттері жалғасып жатыр.

Добавить комментарий Отменить ответ