Әлеумет

ҚОҒАМДЫҚ ҚАУІПСІЗДІКТІ ҚАМТАМАСЫЗ ЕТУДЕ СЕРВИСТІК ТӘСІЛДЕР ЕНГІЗІЛДІ

Редактор 06.04.2023 9018 1 оқу мин

Астана қаласындағы Еуропадағы қауіпсіздік және ынтымақтастық ұйымы бағдарламалар офисінің қолдауымен, республика аумағында қауіпсіздікті қамтамасыз етуде сервистік тәсілді енгізу тетіктері іске қосылуда. Осы мақсатта, 2023 жылдың 18 қаңтарында Төлеби ауданы әкімдігінің жанынан қоғамдық қауіпсіздікті қамтамасыз етуде жөніндегі ведомствоаралық топ құрылды. Топтың жарғысы, жұмыс жоспары бекітіле отырып, жұмыстарын бастады. Қауіпсіздікті қамтамасыз етудегі сервистік тәсіл — бұл азаматтардың өмір сүру сапасын жақсарту үшін қылмыспен тиімді күресу және халықтың билік органдарына деген сенімін арттыруға арналған мемлекеттік органдар мен қоғамның тығыз ынтымақтастығын көздейтін ұйымдастыру болып табылады. Аталған топтың жұмысының мақсаты — халық пен жергілікті мемлекеттік органдардың қызметкерлерін нақты аумақтарда құқықтық тәртіп пен заңдылықты сақтау жөніндегі жаңа тәсілдер мен шешімдерді әзірлеуге тарту және қылмыстар мен өзге де құқыққа қайшы әрекеттерді жасауға ықпал ететін себептер мен жағдайларды жою бойынша бірлескен шаралар қабылдау. Бүгін аудан көлемінде жасақталған жұмысшы топ мүшелері бекітілген жоспарға сәйкес, халықтың полиция қызметкерлеріне деген сенімділігін анықтау мақсатында Ленгер қаласының тұрғындар арасында сауалнама жүргізіп, жергілікті халықтың полиция қызметкерлеріне деген ой-пікірлері мен көзқарастарын анықтауда. Ведомствоаралық топтың бұл бағыттағы атқаратын жұмысы жалғасын табады.

Добавить комментарий Отменить ответ