Оқушылардың зейінін арттыруда пәндік олимпиадалардың алар орны ерекше екендігі белгілі. Сондықтан да бүгінде Түркістан облысындағы мектептерде түрлі іс шаралар өткізілуде. Жуырда «Лингвистикалық олимпиада» 8-9 сыныптар бойынша Түркістан облысына қарасты Бәйдібек ауданындағы С.Ерубаев атындағы ЖББМ базасында және 10-11 сыныптар бойынша Ш.Уәлиханов атындағы ЖББМ базасында ұйымдастырылды. Аталған олимпиаданың аудандық кезеңіне 8 сыныптар бойынша Шаян мектеп-лицейі, Майбұлақ, Ш.Уәлиханов, Есіркеп батыр, С.Ерубаев, Ғ.Мұратбаев, О.Орманов, Ы.Алтынсарин атындағы білім беру мекемелері, 9 сыныптар бойынша Домалақ ана, С.Ерубаев, Т.Қазақбаев, М.Әуезов атындағы ІТ МЛ, Кеңсай, Боралдай, Жаңаталап, Досан білім беру мекемелері, 10 сыныптар бойынша С.Ерубаев, О.Тайманов, Ж.Жүнісбеков, Қ.Сыпатаев, Ш.Уәлиханов, Қ.Бәйменов, Шаян мектеп-лицейі, Боралдай, Тұрмыс-1 білім беру мекемелері, 11 сыныптар бойынша Шаян мектеп-лицейі, Қ.Сәтбаев, Ш.Уәлиханов, С.Ерубаев, С.Әбдіжаппаров, М.Әуезов атындағы МЛ, Майбұлақ білім беру мекемелерінің оқушылары жолдама алды. Аталған олимпиада аса тартысты өтті. Оқушылардың білім жетістігін дәлелдейтін шарада оқушылар асқан белсенділікпен қатысты. Алған білімдерінің нәтижесін дәлелдеу де оңайға соққан жоқ. Жүзден жүйрік, мыңнан тұлпар шығатын мұндай додада оқушылар барын салды. Алдағы уақытта да аталған бағыттағы олимпиадалар көбірек ұйымдастырылса деген тілектерін жеткізді. А.Утешева, әдіскер
