Ұстаз деген ұлық есім. Адамзатты тек қана білімге ғана емес сондай-ақ кішіпейілділікке, адамгершілікке, қарапайымдылыққа тәрбиелейтін мамандық иелерінің алдында біз әрқашанда қарыздармыз жәнеде алғысымыз мол! Ұстаз — білгенін үйретуші ғана емес, тұла бойы тұнған өнеге, ақ тілеулі ана тәрізді барлық адамның бойынан жақсылық іздейтін ізгі ниет иесі емеспе…?Осындай құрметке ие ұстаздарымызды 5 қазан -ұстаздар мерекесімен құттықтау мақсатында Түркістан облысына қарасты Созақ ауданындағы Созақ гимназиясында мектеп директорының тәрбие ісі жөніндегі орынбасары Р.Байғараеваның бастамасымен шығармашыл мұғалім Г.Ергешова,тәлімгер Ж.Сулейманова және «Мектеп парламенті» оқушыларының ұйымдастыруымен «Ұлылықтың басында ұстаз тұрар мәңгілік» тақырыбында мерекелік іс-шара ұйымдастырылып өткізілді. Іс-шараға ұрпаққа айтар ақылы, көрсетер өнегесі бар, аналық, әкелік сезімнің, дана ойдың ыстық лебі бар аға ұрпақ өкілдері, мектептің жүрегі ардагер ұстаздарымыз қатысып, ізгі тілектерін білдірді. Педагог мамандардың беделін арттыру бағытында бұдан басқа жа жұмыстар атқарылуда. Жалпы Созақ ауданында білімі мен білігі тайталасқан тәлімгер ұстаздар көп. Шәкірт жүрегіне жол тауып, білгенін үйретіп жүрген абыройлы ұстаздар қатары артып келеді.
