Түркістан облысына қарасты Мақтаарал аудандық білім және ғылым қызметкерлерінің кәсіподақ комитетінің ұйымдастыруымен 6 қазан күні «Ақ алтын» мәдениет үйінде «Ұстаздар күні» мен «Кәсіподақтар күні» мерекелеріне арналған мерекелік іс-шара өткізілді. Мерекеге орай ұйымдастырылған іс-шараға Мақтаарал аудандық білім бөлімінің басшысы М.Серікбаев, аудандық кәсіподақ комитетінің төрағасы А.Жолдасов, аудандық мәслихаттың депутаты, жастар ресурстық орталығының басшысы С.Кенжебаев, аудандық мәслихаттың депутаты Қ.Бейсенбаев, аудандық әжелер алқасының төрайымы Ш.Құрбанбаева, аудандық ата-аналар комитетінің төрағасы М.Оспанов, БАҚ өкілдері, бастауыш кәсіподақ ұйымының төрағалары мен ұлағатты ұстаздар қауымы қатысты. Қос мерекеге орай ұйымдастырылған шара барысында Мақтаарал аудандық кәсіподақ комитетінің ұсынуымен білім беру саласында жоғарғы жетістіктерге қол жеткізген ұлағатты ұстаздарға Түркістан облысының әкімі Д.Сатыбалдының Алғыс хатымен – Абылайхан атындағы жалпы орта мектебінің директоры А.Жулдибеков, “Аманат» партиясы Түркістан облыстық филиалы төрағасының алғыс хатымен – Мақтаарал мектеп-гимназиясының педагог психологы Б.Темірбекова мен А.Пушкин атындағы жалпы орта мектебінің тарих пәнінің мұғалімі Е.Брандт, Түркістан облысының білім басқармасы мен Түркістан облысы білім және ғылым қызметкерлерінің жергілікті кәсіптік одағының бірлескен алғыс хаттары Қ.Сәтбаев атындағы жалпы орта мектебінің математика пәнінің мұғалімі Н.Алимбетовқа, Асыл мұра жалпы орта мектебінің ағылшын тілі пәнінің мұғалімі К.Алденоваға, Мәдениет жалпы орта мектебінің орыс тілі пәнінің мұғалімі М.Ташбулатоваға, О.Бапышев атындағы жалпы орта мектебінің технология пәнінің мұғалімі У.Бердышевке, Ы.Алтынсарин атындағы жалпы орта мектебінің дене шынықтыру пәнінің мұғалімі Д.Дүрменбаевқа табысталды. Сонымен қатар мерекелерге орай ұйымдастырылған шара барысында Мақтаарал ауданының әкімі Б.Асановтың, аудандық мәслихаттың төрағасы Қ.Сәрсекбаевтың, АМАНАТ партиясының Мақтаарал аудандық филиалының төрағасы М.Сәрсеновтың, аудандық білім бөлімінің басшысы М.Серікбаевтың алғыс хаттары табысталды. Мерекелік іс-шараның екінші бөлімі концерттік бағдарламамен жалғасын тапты. Барша марапат иелерін аудандық кәсіподақ комитетінің атынан құттықтады.
