Түркістан облысы Шардара аудандық білім бөлімінің 29.09.2023 ж. №229-01/172461 санды хатына сәйкес «№2 Ж.Жабаев атындағы бастауыш мектебі» КММ — де педагог ұйымдастырушы А.Үсенбаеваның ұйымдастыруымен ағымдағы жылдың 16 — қазан күні мұғалімдер арасында «Өнерлі ұстаз — 2023» байқауы өтілді. Байқауды өткізудегі мақсаты – педагог мамандығының беделін арттыру, ұстаздың тарихи танымдығын, педагогикалық психологиялық сауаттылығын шығармашылық талантын дамыту болып табылады. Ұстаздар аталмыш байқауға белсене қатысты. Әр ұстаз өзіндік білімі мен білігін барынша байқатты. Байқау 5 кезең бойынша жүргізілді. 1-кезең: Үміттердің шығармашылық портфолиосы. 2-кезең: Үміткердің шығармашылық көрмесі. 3-кезең: Өзін-өзі таныстыру 4-кезең: «Менің педагогикалық қызметім» — ашық сабақ көрсету. 5-кезең: Өз өнері. Байқауға қатысқан А.Ажибекова, Д.Байтасова, Ү.Анашбекова, Қ.Онжигитова, М.Алтынбекова, К.Паизова, А.Жақсанова ұстаздар қатысты. Байқау барысында А.Жақсанова бас жүлдені иемденіп, 20 — қазан күні Шардара ауданы орталығында өтетін байқауға жолдама алды. Білікті ұстаз аламан додада топ жарып, биіктен көрінеді деген сенім басым.
