Түркістан облысына қарасты Шардара аудандық орталық кітапханасында «Кітапханадағы ашық есік күні -2023» эстафетасы өтті. Эстафета аясында ұйымдастырылған шараны ашып беру үшін Түркістан облыстық «Фараб» әмбебап ғылыми кітапханасының ақпараттық библиографиялық бөлімінің меңгерушісі Бердібекова Әсел, ауданның құрметті азаматтары, ардагерлер Мархабаев Мұсахан, Қалдыбеков Үсен, аудандық ішкі саясат бөлімінің басшысы Таласов Бахытжан, мәдениет, тілдерді дамыту, дене шынықтыру және спорт бөлімінің басшысы Еркебұлан Тоқтарұлы, аудандық тарихи-өлкетану музейінің меңгерушісі Смайлов Нұрлан сөз сөйлеп кітапхана ұжымына алғыстарын айтты. Шараға Мақтаарал, Жетісай аудандық кітапхана қызметкерлері қатысты. «Бір ел — бір кітап» акциясы аясында «Талғампаз талант — Төлен», Түркістанның таңдаулы туындысы «Мекемтас Мырзахмет әлемі», Шардара ауданының тарихы, ауданнан шыққан ақындар, мәдениеті мен спортшылары туралы көрме «Жарқыраған шамшырағым — Шардара» және аудандық балалар кітапханасының «Кітап әлемі: балалықтан — даналыққа» тақырыптарына арналған көрмелер таныстырылды. «Бізде қонақта» айдары бойынша оқырман бенефисінде есімі ауданға белгілі ақын, журналист, әнші Ақбота Нұрполатқызы мен сыр сұхбат өтті. ZOOM платформасында кітап насихаттау кезеңінде Қызылорда облысы Қармақшы ауданы орталықтандырылған кітапханалар жүйесі әріптестермен өлкемізді насихаттау мақсатында «Туған өлкем — ғажап көркем» тақырыбында өлкетану кеші өтті.
