Ағымдағы жылдың қазан айының 9-13 жұлдызы аралығында Түркістан облысына қарасты Түлкібас ауданындағы Абай атындағы мектеп-лицейінде әдістемелік кеңестің жоспарына сәйкес жас мамандарға әдістемелік көмек беру, педагогикалық шеберліктерін арттыру, теориялық білімдерін жетілдіру, педагогикалық ортаға бейімдеу, қолдау мақсатында және өзара тәжірибе алмасу үшін «Тәлімгерлер апталығы» өтті. Апталық барысында озат тәжірибелі ұстаздар: Бахытжанова Набира қазақ тілі мен әдебиеті пәні, Ниязалиева Айгуль орыс тілі, Алипбекова Бахыт орыс тілі, Тасбулатова Фатима ағылшын тілі, Сакыбекова Жанар ағылшын тілі, Мусабекова Сания биология пәні, Қойбеков Нұрбол тарих пәні, Бескемпирова Гаухар математика пәні, Джумабекова Гүлназ физика пәні, Алибаева Гүлнар бастауыш сынып математика, Пиримбетова Гүлсара бастауыш сынып математика пәндері бойынша ашық сабақтар және Серикбаева Улжан «Сабақта табысқа жетудың жолдары» тақырыбында шебер сынып өтті. Апталықтың жас мамандарға берері мол болды. Мұның барлығы да педагогтардың беделін арттыру бағытында жасалып жатқан жұмыстар. Сабақтың құрылымы қалай құрылу керек,бағалау тәсілдері, жеке жұмыс, жұптық жұмыс,топтық жұмыс қалай жүргізілу керек,кері байланыс түрлері көрсетілді. ДҒЖЖО Г.Касимова
