Түркістан облысына қарасты Түлкібас ауданының білім бөлімі әдістемелік кабинетінің әдіскері Р.Кункибаеваның ұйымдастыруымен Б.Садықов атындағы жалпы орта мектебінің базасында жалпы білім беретін пәндер бойынша республикалық ғылыми жобалар конкурсының аудандық кезеңі өткізілді. Физика, техника, Жер және ғарыш туралы ғылым, сондай-ақ математика, қолданбалы математика, экономика және информатика қазіргі ғылыми-техникалық прогреспен тікелей байланысты білімнің өте маңызды салалары болып табылады. Осы бағыттағы зерттеулермен айналысатын байқауға қатысушылар ғылыми зерттеулер мен саланың дамуына елеулі үлес қоса алады. Мұндай іс-шаралар оқушылардың ғылыми білімдерін дамытуға ғана емес, сонымен қатар олардың ғылыми-зерттеу жұмысы, талдау және өзіндік шығармашылық дағдыларын қалыптастыруға ықпал етеді. Мұндай байқауларға қатысу оқу орындарының, жалпы облыстың беделін арттыруға да септігін тигізеді. Байқау 4 бағыт бойынша өткізілді. Атап айтар болсақ, «Ғылыми-техникалық прогресс экономикалық өсудің негізгі буыны ретінде » -физика, техника, Жер және Ғарыш туралы ғылым. «Экономикалық және әлеуметтік үрдістерді математикалық модельдеу»- математика, қолданбалы математика, экономика, информатика. Ғылыми жоба конкурсы ауданымызда жыл сайын жүйелі өткізіледі.
