Түркістан облысы, Сайрам ауданы, Қарасу ауылында орналасқан М.Сапарбаев атындағы жалпы білім беретін орта мектеп жыл сайын республикалық көрсеткіштен асып түсетін жоғары нәтиже көрсетіп келеді. Бұл мектеп ұстаздарының білім сапасының жоғарылығының арқасы. Ғасырдан астам тарихында мектеп жүздеген мың шәкірттерді тәмамдап, берік білім алып, жоғары оқу орындарына ойдағыдай түскен. Қазіргі таңда мектепте 1262 оқушы, сонымен қатар дайындық тобында 72 оқушы білім алуда. Оқушылардың білім алуы мен дамуы үшін барлық қажетті жағдайлар жасалған. Мектепте заманауи оқу бөлмелері, кітапхана, спорт залы және басқа да қажетті құралдар бар. Мектептің педагогикалық ұжымы жоғары білікті және тәжірибелі, бұл жоғары деңгейде оқытуды қамтамасыз етуге мүмкіндік береді. М.Сапарбаев атындағы мектеп – Түркістан облысындағы алдыңғы қатарлы білім ордаларының бірі. Ол өзінің жоғары нәтижелерімен, сапалы білімімен және қызметтің әртүрлі салаларында жетістіктерге жетіп жүрген түлектерімен танымал. М.Сапарбаев атындағы мектептің педагогикалық ұжымы 130 мұғалімнен тұрады, олардың арасында барлық санаттағы ұстаздар бар. Бұл үлкен шығармашылық әлеуеті бар және білім берудегі заманауи тенденцияларды ұстанатын жоғары білікті мамандар командасы. Мектеп директорының міндетін атқарушы М.Бердімұратованың жетекшілігімен әрбір ұстаз оқушылардың қызығушылығын оятып, білім еліне қызықты саяхатқа шығарып, сабақты қызықты әрі қолжетімді етіп өткізуге, сонымен қатар балалардың бойында патриоттық сезімін оятуға, Отанға деген сүйіспеншілікті оятуға күш салуда.Мектепте «Білімді ұлт» жобасы аясында мектепке заманауи құрал-жабдықтар мен оқу-әдістемелік кешендері алынып, оқыту мен оқу сапасын арттырды. Мектеп мұғалімдері түрлі байқаулар мен іс-шараларға белсене қатысып, кәсіби деңгейлерін арттырып, әріптестерімен тәжірибе алмасады. Соның арқасында мектеп оқушылары заман талабына сай сапалы білім алуда. М.Сапарбаев атындағы мектеп білікті ұстаздар құрамымен және «Білімді ұлт» жобасы бойынша ауқымды жұмыстар атқарып жатқандығымен ерекшеленеді. М.Сапарбаев атындағы мектептің ұстаздар қауымы әр баланың жан-жақты үйлесімді дамуын қамтамасыз етіп, оның бойындағы ең жақсы қасиеттерді шығаруға күш салуда. Мектепте негізгі жалпы білім берумен қатар оқу-интеллектуалдық үйірмелер, спорт секциялары мен қызықты клубтары жұмыс істейді. Жас ұстаздар тәжірибелі ұстаздардан үлгі алып, бүгінде өз мектебінде ғана емес, республиканың өзге өңірлеріндегі, тіпті шетелдердегі оқу орындарында да жемісті еңбек етуде. Мектепте жиі түрлі іс-шаралар өткізіледі: театр фестивалі, өзін-өзі басқару күндері, қайырымдылық жәрмеңкелері. Осының барлығы оқушыларға өз таланттарын көрсетуге, тіпті болашақ мамандығын таңдауға көмектеседі. Осындай жан-жақты шаралардың арқасында М.Сапарбаев атындағы мектеп білім ордасы ғана емес, ауылдың мәдени-қоғамдық өмірінің орталығына айналып отыр. Мектеп оқушылары тек сапалы білім алып қана қоймай, жан-жақты дамып, дарындарын ашып, болашақ ересек өмірге дайындалуға мүмкіндік алды. М.Сапарбаев атындағы мектеп – оқу орнының өскелең ұрпақты дамытып, тәрбиелеудің, оқушылардың жан-жақты дамуын қамтамасыз етіп, олардың бойындағы ең жақсы қасиеттерін ашатын орталыққа айналуының үлгісі.
