Түркістан қаласының 5 жылдығын мерекелеу аясында және қазіргі заманғы «Фараб» облыстық кітапханасының бастамасымен ұйымдастырылған «Кітап саяхаты – 2023» акциясы айшықты шараға айналды. Бұл шара Түркістан облыстық кітапханалардың беделін көтеруге, сондай-ақ халықты олардың рухани қызметтерімен таныстыруға және дәстүрлі кітап оқу мәдениетін қалыптастыру қажеттілігін түсіндіруге бағытталған. Шара аясында ұйымдастырушылар жас оқырмандарды кітап оқуға шақырып, әдеби шығармаларға деген қызығушылықтарын арттыруға тырысты. Бос уақытты тиімді ұйымдастыру түрлі сала мен жанрларды қамтитын кітаптарды жарнамалау арқылы қол жеткізілген мақсаттардың біріне айналды.
«Кітап саяхаты – 2023» шарасы облыс тұрғындары арасында кітап оқуды насихаттап қана қоймай, Түркістан өңірінің ынтымағы мен бірлігінің нышаны. Мұндай іс-шараларды ұйымдастыру қоғамды жақындастыруға көмектеседі және кітап оқу күнделікті өмірдің маңызды бөлігіне айналатын мәдени кеңістікті құруға көмектеседі. Аталмыш шарада Ордабасы ауданы әкімінің орынбасары Ақмұратов Мейрамбек Жәмәділұлы мен Облыстық Фараб кітапханасының директоры Шардарбекова Жанат Сәдібекқызы және Ордабасы оттары газетінің редакторы, Ордабасы ауданының құрметті азаматы Зябеков Ғалымжан Ордабекұлы, Ордабасы аудандық орталықтандырылған кітапханалар жүйесінің директоры Феруза Небосынқызы Еспембетова, руханяттың шырақшылары болған кітапханашыларға ізгі тілектерін жолдады. Аталмыш кітап акциясы аясында облыстық «Фараб» әмбебап ғылыми кітапханасына Ордабасы аудандық орталықтандырылған кітапханалар жүйесінің атынан 500 кітап сыйға табыстады. Шара талантты режиссер Перизат Баймаханованың жетекшілігімен Ордабасы аудандық «Темірлан» халық театры мен «Көңіллді Көбелек» жастар театрының қойылымдарының арқасында мазмұнды да қызықты оқиғаға айналды. Әр өңірден келген қонақтар Шұбар ауылдық кітапханасының кітапханашысы Әсем Ешмұраттың әсем әуезді әндері мен жүрекжарды арнауын тыңдап, мәз болды. Шара барысында облыстың жас ақыны, республикалық, облыстық мүшәйралардың лауреаты, ақын Батырәлі Жүрсінбек Мырзақасымұлының шығармашылығына арналған кездесу кеші де ұйымдастырылды. Оның әсерлілігімен, сұлулығымен таң қалдырған өлеңдері тыңдармандарды шабыттандырып, терең сезімге бөледі. Мұндай мәдени шаралар қонақтарды қуанышқа бөлеп қана қоймайды, сонымен қатар жергілікті өнер сахнасы мен әдеби мәдениетті дамытып, насихаттауға да өз үлесін қосуда. Олар қоғамдағы шығармашылық пен шабыт рухын сақтауға және әртүрлі аймақтар арасындағы мәдени байланысты нығайтуға көмектеседі.
