Түркістан облысында білімі мен біліктілігі жарасқан, өнері өрге жүзген ұстаздар көп. Түркістан облысы Келес ауданындағы №8 Т.Бегманова атындағы орта мектептің педагог-ұйымдастырушысы Арман Айдаралиев жастардың назарын оқу-тәрбие үрдісіне аударуда шығармашылық көзқарас танытуда. Оның отандық және шетелдік танымал әндерді 8D форматында монтаждалған шығармалары YouTube арнасында жарияланып жүр. Бүгіннің өзінде аталмыш арна 100 мыңнан астам қаралым жинаған. Ол арнасы білім мен ойын-сауықты біріктіретін инновациялық әдіс болып табылады. Бұл форматты қолдану жастарды баурап қана қоймай, олардың музыкалық тәжірибесін байытуға мүмкіндік береді. Өйткені, 8D әсері әндерге терең және кең дыбыс береді, бұл тыңдауды қызықты және эмоционалды етеді. Бұл әдіс оқу материалдарына назар аударуға ғана емес, сонымен қатар оқушылардың аудиторлық дағдыларын дамытуға көмектеседі. Педагог-ұйымдастырушының шығармашылық көзқарасының арқасында оқыту жастар үшін қызықты әрі қолжетімді болады, бұл оқудың тиімділігін арттыруға және шығармашылық ойлауды дамытуға ықпал етеді. Мұндай бастамалар жастар арасында білім мен мәдениеттің дамуына белсенді үлес қосып отырғандықтан қолдау мен ынталандыруға лайық.Айта кету керек, жас маман мектепте биология пәнінен де сабақ береді. Цифрлық технологияларды жетік меңгерген осындай жастар кемел келешегіміздің кепілі. Еңбекқор ұстаздың каналына тіркеліп, заманауи әуендерді жаңа форматта тыңдауға болады
