Әлеумет

«Жаңаша оқыту- жетістік көзі» апталығы өтуде

Редактор 26.11.2023 21940 1 оқу мин

Түрлі бағыттағы апталықтар, онкүндіктер өткізу білім сапасын арттыруға қосар үлесі қомақты. Сондықтан да бүгінгі таңда Түркістан облысына қарасты барлық аудандарда арнайы апталықтар ұйымдастырылуда. Жуырда Төлеби ауданы білім бөлімінің «Көксәйек бастауыш мектеп» мемлекеттік мекемесінде 20-30 қараша күндері «Жаңаша оқыту- жетістік көзі» тақырыбында бастауыш әдістемелік бірлестігінің онкүндігі өтуде. 20- қараша күні онкүндіктің ашылуын мектеп психологы мұғалімдерге, оқушыларға «Жағымды атмосфера орнату» тренингімен бастады. Аталмыш онкүндіктің әр күні әр тақырыпқа арналған. Мұғалімдер жобасын әбден пысықтап, жоспарлаған. Дүйсенбі күндерге мектеп оқушыларына адамгершілік пен тәрбиеге мән беру мақсатында ашық тәрбие сабақтары өтілді. Бұл тақырып оқушылардың адами қасиеттерге баулуда септігін тигізері анық. Бастауыш сынып мұғалімдері барлық пәннен ашық сабақтарды жақсы деңгейде өткізді. Сонымен қатар мектеп фойесіне «Алтын қалам» ең үздік дәптерлер көрмесі, «Цифрлар неге ұқсайды» әртүрлі күзгі бақ көрмесі. «Табиғатты сыйла да қорға» аппликация көрмесі, «Жас суретшілер» көрмесі қойылды.Барлығы да керемет үйлесімділікпен әдемі жасалған.

Добавить комментарий Отменить ответ