Әлеумет

Мәжбүрлеп өндіру үшін 50 қаулы, 2 жеке тұлғаның жұмыс орындарына және жеке сот орындаушыларға жолданды

Редактор 18.06.2022 15433 1 оқу мин

Көлік жүргізішулерінің кейбірі немқұрайдылығының салдарынан салық төлеуді міндетті деп санамайтындығы өкінішті. Соңынан екі еселеп төлеуге мәжбүр болатындығын білсе де қол сілтеп жүре береді. Ал іс-шара барысында қолға түсіп қалса ғана «есі кіреді». Түркістан облысының полицейлері 13-17 маусым күндері аралығында «Борышкер» жедел-профилактикалық іс-шарасын өткізуде. Шараның мақсаты – мемлекетке айыппұл берешегі бар және салық төлемдерді төлемеген азаматтарды, сондай-ақ көлік жүргізушілерін тексеру, оларға ескерту жұмыстарын жүргізу. Аталған іс-шара кезінде Түркістан облысына қарасты Кентау қалалық полиция қызметкерлері алғашқы тәулікте 2 құқық бұзушылық Қазақстан Республикасының Әкімшілік құқықбұзушылық туралы кодексінің 612-бабы «Құжаттары және басқару құқығы жоқ адамның көлік құралын басқаруы» бойынша тіркеп, көлікті айып тұраққа қойды. 25 көлік жүргізушіге айыппұл төлеу керектігі ескертілді. Мәжбүрлеп өндіру үшін 50 қаулы, 2 жеке тұлғаның жұмыс орындарына және жеке сот орындаушыларға жолданды. Өз кезегінде Түркістан облысының полицейлері тұрғындарға егер де әкімшілік құқықбұзушылық жасап, хаттама толтырған жағдайда оны 7 тәулік ішінде төлесеңіз 50% жеңілдікпен төлеуге мүмкіндік барын ескертеді. Және де айыппұл төленбеген жағдайда әкімшілік құқық бұзушылық туралы қаулы шығарып, 100% төлеу міндеттеледі. Қаулы шыққан күннен бастап, 30 күн ішінде айыппұл ерікті түрде төленбеген жағдайда мәжбүрлеп өндіру үшін жұмыс орындары мен сот орындаушыларға жолданатындығын хабарлайды.

Добавить комментарий Отменить ответ