Әлеумет

Оқушылардан бастамашыл топ құрылды

Редактор 15.10.2023 11703 1 оқу мин

Түркістан облысына қарасты Төлеби ауданы білім бөліміне қарасты Қазанғап Байболов атындағы жалпы орта білім беретін мектебінде Ұстаздар күніне орай «Өзін -өзі басқару ұйымы» мен «Жас — Ұлан» ұйымының ұйымдастыруымен «Дублер күні», яғни білім алушылардың өзін-өзі басқару күні өтті. Дублер күнінің мақсаты — мектептегі өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру. «Дублер күнін» өткізу мақсатында мектепте «Өзін-өзі басқару» ұйымы мен жоғары сынып оқушыларымен оқушылардан бастамашыл топ құрылды. Сонымен қатар жоспар бойынша алдын ала өзін-өзі басқару күнін өткізу ережесі, мақсаты мен міндеттері, өткізу форматы мен тәртібі айқындалды. Мектеп әкімшілігі мен пән мұғалімдерінің рөлін мектеп Парламент Президенті, жоғары сынып оқушылары атқарды. Дублер күнінің міндеттері: Білім алушыларды білім деңгейін дамыту, белсенді қоғамдық өмірге және мектепті басқаруға тарту; Білім алушылардың қоғамдық іс-шараларды ұйымдастыру және өткізу тәжірибесін қалыптастыру; Барлық параллельдердің білім алушылары арасындағы достастықты нығайту болып табылады. Оқушылар аталмыш шараға өте белсенді қатысты.

Добавить комментарий Отменить ответ