Әлеумет

Чемпионаттың бірінші күні өтті

Редактор 26.11.2023 12191 1 оқу мин

Орта кәсіптік білім беретін орта арнаулы оқу орындарының түлектеріне бүгінде сұраныс артып отыр. Олардың білімдерін тәжірибемен ұштау үшін түрлі бағыттары байқаулар ұйымдастырылуда. Жуырда «WorldSkills Kazakhstan-2023» VIII республикалық чемпионатының бірінші жарыс күні өтті. Түркістан облысының оқушылары 29 құзырет бойынша жарыс алаңдарында өз жұмыстарын көрсетіп, біліктіліктерін көрсетті. Түркістан облысының оқушылар аталмыш байқауға барын салып дайындалып, үлкен дайындықпен кетті. Олардың биік жетістік көрсететініне сенім мол. Чемпионатқа бірінші күні көрермен ретінде 2500-ден астам адам келді. Қонақтар қатарында астаналық колледж студенттері, мектеп оқушылары, сондай-ақ ТМД елдерінен келген жұмыс берушілер, кәсіпорындар мен демеушілер өкілдері бар. Білімгерлердің жұмыстары көңіл тоғайтады. Білім мен тәжірибені ұштастырып отырғандары да қуантарлық. Чемпионатқа қатысушылар 30 құзыреттілік бойынша “Үздіктің үздігі” атағы үшін бақ сынайды. Жарыс жеңімпаздары 2024 жылғы 10-15 қыркүйек аралығында Францияда өтетін халықаралық чемпионатына жолдама алады. Түркістан облысының білімгерлері биік нәтиже көрсететініне сенім мол.

Добавить комментарий Отменить ответ